කොළඹ මහ නගර සභාවේ නගරාධිපතිධූරය සදහා මෙවර මහ මැතිවරණයේදී ඇත්තේ දැඩි තරගකාරිත්වයකි. සියලූම ප්‍රධාන පක්ෂ වල අවධානය යොමුව ඇත්තේ කොළඹ මහනගර සභාව වෙතය.
කොළඹ මහ නගර සභාවේ ජයග්‍රහණය සදහා මාලිමාව සහ සමගි ජන බලවේගය අතර හොද සටනක්‍ පවතිනු ඇති බව බොහෝ දෙනා විශ්වාස කරයි. විශේෂයෙන් මාලිමාව ඒ සදහා ජනප්‍රිය අපේක්ෂිකාවක්වන ව්‍රායි කැලී බල්තසාර් ඉදිරිපත්කල අතර සිරස ඇතුළු මාධ්‍යය නාලිකා දැනටමත් ඇගේ ප්‍රචාරක කටයුතු ආරම්භ කර ඇත.
සමගි ජන බලවේගය සිය කොළඹ මහනගර සභා අපේක්ෂකයා සදහා මුලින් එරාන් වික්‍රමරත්න මහතාගේ නම යෝජනා කර තිබූ අතර එය ප්‍රශස්ත තේරීමක් බව බොහෝ දෙනාගේ අදහස විය. එරාන් ගේ දේශපාලන සහ වෘත්තීය ගමන්මග ඒ තනතුර සදහා කදිම සුදුස්සෙක් බව බොහෝ දෙනා අදුනාගෙන තිබිණි.
නමුත් හිටි හැටියේ එරාන් ගේ නම සජබ නගරාධිපති ලැයිස්තුවෙන් කැපී ගිය අතර නාම යෝජනා ලබාදෙන අවස්ථාවේ ඔවුන් ප්‍රකාශකලේ ඉදිරියේදී ජයග්‍රහණයෙන් පසු අයෙකු අදාල තනතුරට පත්කරන බවකි . නමුත් එරාන් ගේ නම කැපී ගියේ සභානායක බිමල් රත්නායක විසින් විපක්ෂ නායක සජිත් ප්‍රේමදාස ගෙන් කරන ලද ඉල්ලීමක් නිසා බව අපට වාර්තා වේ. තමන්ට කොළඹ නගර සභාව ජයග්‍රහණය කර සභාව පිහිටුවීම අත්‍යාවශ්‍ය බවත් එම නිසා එරාන් ඉවත්කරන ලෙස බිමල් රත්නායක සජිත් ට දන්වා ඇත.
යම් හෙයකින් එය සිදුනොවේ නම් , සජිත් අමාත්‍යවරයා ලෙස සිටියදී සංස්කෘතික අරමුදලේ සිදුවූ මුදල් අවභාවිතා පිළිබදව සිදුවීම යලි පාර්ලිමේන්තුවේදී ප්‍රශ්නකරන බවද බිමල් රත්නායක සජිත් හමුවේ තර්ජනාත්මකව ප්‍රකාශ කර ඇත.
අවසානයේ සමගි ජන බලවේගය කොළඹ නගරාධිපති අපේක්ෂකත්වය විශේෂඥ වෛද්‍ය උවයිස් හනිෆාට නැමැත්තාට ලබාදුන් බව අද නිවේදනය කලේය.
පාර්ලිමේන්තු වාර්තාකරු
